Весткі рэгіёна: Дзятлаўшчына

Новы старшыня райвыканкама і ганаровыя ўзнагароды.

НОВЫ СТАРШЫНЯ ДЗЯТЛАЎСКАГА РАЙВЫКАНКАМА

На гэту пасаду прызначаны Аляксандр Міхайлавіч Дубовік. Да гэтага ён працаваў дырэктарам Дзятлаўскага сыраробнага завода. Па адукацыі ён – заатэхнік, закончыў Гродзенскі сельскагаспадарчы інстытут. Працаваў на комплексе “Краглі” калгаса “1-га Мая”, галоўным заатэхнікам гэтай гаспадаркі, потым ва ўпраўленні сельскай гаспадаркі і харчавання райвыканкама, быў старшынёй калгаса “Чырвоны Кастрычнік”, першым намеснікам старшыні Дзятлаўскага райвыканкама. Аляксандру Міхайлавічу пайшоў 50-ы год. Ён – мясцовы, з вёскі Раманавічы.

ВЫДАТНІК АХОВЫ ЗДАРОЎЯ

Напярэдадні прафесійнага свята – Дня медыцынскіх работнікаў – ганаровае званне “Выдатнік аховы здароўя Рэспублікі Беларусь” прысвоена Таццяне Аляксандраўне Шэфарэвіч. Яна шмат гадоў плённа працуе ў Дзятлаўскай раённай бальніцы доктарам-педыятрам.

ПЕРШАЕ МЕСЦА – У ДЗЯТЛАВА

Пераможцам рэспубліканскага агляду-конкурсу на лепшы санітарны стан і добраўпарадкаванне прызнаны горад Дзятлава. Ён заняў першае месца сярод гарадоў чацвёртай катэгорыі, папоўніў кагорту пераможцаў, сярод якіх горад Ліда і аграгарадок Абухава Гродзеншчыны. Пераходны вымпел і пасведчанне, а таксама прэмія ў 1500 базавых велічынь – узнагарода за перамогу.

А. Радзіеўская

Последнее изменениеПонедельник, 04 июля 2016 11:16
Наверх

Принеманские вести

 © 2009-2019 Принеманские вести. Все права защищены. 
Полное или частичное использование материалов газеты и сайта допускается только с разрешения редакции.

Яндекс.Метрика

Принеманские вести. 2019

Войти на сайт через социальные сети.