В е с т к і рэгіёна : Дзятлаўшчына

ХЛОПЦЫ ПРЫЗВАНЫ Ў ВОЙСКА    У летні прызыў 2015 года набраны на службу ва Узброеныя Сілы Рэспублікі Беларусь 47 дзятлаўчан. Па традыцыі павесткі ў войска ім уручылі ва ўрачыстай абстаноўцы: у гарадскім парку ля помніка загінуўшым воінам у гады Вялікай Айчыннай вайны.    Хлопцы пачулі шмат наказаў добра служыць ад прадстаўнікоў грамадскіх арганізацый, моладзі, святароў, бацькоў і калег па працы. З нагоды 70-годдзя Вялікай Перамогі дзяўчаты прышпілілі кожнаму прызыўніку бутаньерку з яблыневай кветкай.


ДЗЕЦІ ГУЛЯЛІ Ў “ЗАРНІЦУ”
   У Дзятлаве прайшла дзіцячая ваенна-спартыўная гульня “Зарніца”. У конкурсах строю і песні, легкаатлетычнай эстафеце, спа-борніцтвах на паласе перашкод удзельнічалі 13 школьных каманд. Пераможцамі другі год запар сталі вучні Казлоўшчынскай школы. Ім уручаны пераходны кубак, зацверджаны раённай арганізацыяй грамадскага аб’яднання “Беларускі саюз афіцэраў”.


ЮР’Я Ў АХОНАВЕ
   Жанчыны з фальклорнага гурта вёскі Ахонава, якія ўсё ведаюць пра абрад Юр’я і ашчадна захоўваюць яго, правялі свята ў сваім паселішчы. Удзельніцы гурта спявалі песні, наведалі маладых жанчын і пажадалі ім сямейнага шчасця, надзялілі абярэгамі – кавалачкамі саматканага пояса. Варта нагадаць, што гэты абрад на Дзятлаўшчыне прызнаны адметным і з’яўляецца культурнай каштоўнасцю.


“ВЯСЁЛКА КАМЯНЁЎ”
   Такую назву мела выстава камянёў-упрыгажэнняў у Дзятлаўскім гісторыка-краязнаўчым музеі. Дзятлаўчане і госці горада мелі магчымасць не толькі палюбавацца на прыгожыя вырабы, а і набыць каралі, пярсцёнкі, завушніцы, абярэгі.


АДКРЫТЫ МУЗЕЙ
   Напярэдадні 70-годдзя Вялікай Перамогі ў першай дзят-лаўскай школе адкрыты абноўлены школьны музей. Тут змешчана шмат экспанатаў і інфармацыі, якія тычацца барацьбы нашых землякоў супраць захопнікаў у гады Вялікай Айчыннай вайны.


НЕЛЬГА ПАКІДАЦЬ МАЛЕЧУ АДНУ
   На Дзятлаўшчыне з 15 мая па 1 чэрвеня праводзіцца акцыя “Не пакідайце дзяцей адных”. Яна мае прафілактычны накірунак і прымеркавана да Сусветнага дня абароны дзяцей. Падчас акцыі праходзяць бацькоўскія сходы, гутаркі з праблемнымі сем’ямі, праверкі пажарнага стану дамоў. Непасрэдна ў Сусветны дзень абароны дзяцей адбудуцца конкурсы, віктарыны, паказ ратавальнай тэхнікі, а таксама ўзнагароджванне актыўных удзельнікаў свята.


А. Радзіеўская

Последнее изменениеПятница, 07 августа 2015 13:09
Наверх

Принеманские вести

 © 2009-2019 Принеманские вести. Все права защищены. 
Полное или частичное использование материалов газеты и сайта допускается только с разрешения редакции.

Яндекс.Метрика

Принеманские вести. 2019

Войти на сайт через социальные сети.