Весткі рэгіёна: Дзятлаўшчына от 03.06.2015
- Автор Принеманские Вести
- размер шрифта уменьшить размер шрифта увеличить размер шрифта
- Опубликовано в Дятлово
- Прочитано 1189 раз
- Печать
- Эл. почта
БРОНЗА МІЖНАРОДНАЙ АЛІМПІЯДЫ
Паспяховым быў удзел гімназісткі-выпускніцы з Дзятлава Дар’і Вырко ў міжнароднай алімпіядзе навукова-тэхнічных праектаў, якая праходзіла ў Інданезіі. Дзяўчына была ўзнагароджана бронзавым медалём за свой даследчы праект па вывучэнні ўласцівасцяў масла шалфею і прымяненні яго ў харчовай прамысловасці. Дарэчы, удзел у алімпіядзе прымалі школьнікі з 32 краін свету.
ПЕЙНТБОЛ – МОЛАДЗЕВАЯ ГУЛЬНЯ
Адбыўся моладзевы турнір па пейнтболу, у якім прынялі ўдзел каманды ўстановаў, арганізацый, прадпрыемстваў. У фінал выйшлі чатыры каманды, якія змагаліся за прызы. Пераможцай стала моладзевая каманда СВК “Граніт-Агра”, а прызёрамі -- пейнтбалісты вінзавода і трэцяй дзятлаўскай школы.
УРАДЖАЙНЫЯ НА ЗОЛАТА ГОНКІ
Спартсмены з аграгарадка Раготна, якія займаюцца біятлонам, гонкамі на лыжах і лыжаролерах, прынялі ўдзел у адкрытым першынстве горада Баранавічы па лыжаролерных гонках. Адтуль хлопцы і дзяўчаты прывезлі 3 залатыя, 4 сярэбраныя і бронзавы медалі. Найбольш паспяхова выступілі Ангеліна Анушкевіч, Дзмітрый Татарынаў, Крысціна Загдай.
А. Радзіеўская
