ВЕСТКІ РЭГІЁНА: ДЗЯТЛАЎШЧЫНА ОТ 12.10.2015

ВОСЕНЬСКІ КІРМАШ    Паспяхова прайшоў у Дзятлаве восеньскі кірмаш. Сельгаскааператывы, прадпрыемствы, фермеры, прыватныя прадпрымальнікі мелі неблагую выручку ад продажу агародніны, бульбы, зерня, мяса, рыбы, саджанцаў.

   У час кірмашу ладзіўся традыцыйны конкурс на лепшы вясковы падворак, дзе сельгаскааператывы паказвалі свае набыткі, ладзілі забавы, розыгрышы, пачастункі. Сёлета пераможцай стаў СВК “Вензавец”, якія адолеў традыцыйнага лідара СВК “Граніт-Агра”, пасунуўшы яго на другое месца.

СУСТРЭЧА ЗА “КРУГЛЫМ СТАЛОМ”

   Тыдзень маці на Дзятлаўшчыне пачаўся з пасяджэння за “Круглым сталом”. На яго былі запрошаны прадстаўнікі розных службаў, святарства, старшакласнікі. У час пасяджэння былі абмеркаваны праблемы выхавання ў сучасных сем’ях, роля жанчыны ў захаванні сям’і і сямейных каштоўнасцяў.

КОНКУРС ПРЫГАЖОСЦІ ПРОЙДЗЕ Ў ДЗЯТЛАВЕ

   Вабныя, эрудыраваныя, творчыя дзяўчаты Дзятлаўшчыны атрымалі запрашэнне на традыцыйны конкурс прыгажосці “Краса Дзятлаўшгчыны-2015”. Удзел у ім могуць прыняць дзятлаўчанкі, якім ад 18 да 31 года, незамужнія, росту вышэй за 167 сантыметраў. Такія ўмовы ставяць арганізатары. А яшчэ яны абяцаюць добрыя ўзнагароды прыгажуням, сярод якіх будуць названы “Краса Дзятлаўшчны” – пераможца, дзве віцэ-міс, міс сімпатыі гледачоў, міс-фота.

БЯСПЛАТНЫЯ КАНСУЛЬТАЦЫІ ЖАНЧЫНАМ

   У час Тыдня маці работнікі натарыяльнай канторы Дзятлаўскага раёна правялі дабрачынную акцыю. Жанчыны, якія маюць трох і больш непаўналетніх дзяцей, мелі магчымасць звярнуцца па кансультацыі да натарыуса бясплатна.

 

А. Радзіеўская

Последнее изменениеПонедельник, 12 октября 2015 11:38
Наверх

Принеманские вести

 © 2009-2019 Принеманские вести. Все права защищены. 
Полное или частичное использование материалов газеты и сайта допускается только с разрешения редакции.

Яндекс.Метрика

Принеманские вести. 2019

Войти на сайт через социальные сети.