Калядкi адсвяткавалi ў дзіцячым садзе Ліды

Калядкi адсвяткавалi  ў дзіцячым садзе Ліды
Усім вядома, што дашкольны ўзрост з’яўляецца самым спрыяльным перыядам для актыўнага маўленчага развіцця чалавека.

Важная задача нашай дашкольнай установы — стварыць неабходныя ўмовы для арганізацыі адукацыйнага працэсу па фармі-раванні ў дашкольнікаў цікавасці да беларускага маўлення і для навучання іх маўленчым зносінам. Але на калектыў дашкольнай установы ўскладваецца адказнасць не толькі за развіццё беларускага маўлення ў дзіцяці, але і за фарміраванне нацыянальнай самасвядомасці сродкамі роднай мовы, за перадачу літаратурнай спадчыны, культурных традыцый, назапашаных нашым народам.

Адным з самых містычных святаў у старажытных славян з’яўляюцца Каляды. Такое свята адбылося ў нашым дзіцячым садзе №12 г. Ліды. 

Каляды — свята вясёлае. Асаблівы святочны настрой стваралі выхавальнікі разам з дзецьмі — гэта калядоўшчыкі, пераапранутыя рознымі татэмнымі жывеламі: казой, мядзведзем з абавязковым атрыбутам — сімвалам Віфлеемскай зоркі. 

Выхаванцы-гаспадары у вершах і песнях на беларускай мове віталі і частавалі гасцей. Такім чынам, узбагаціліся ўяуленні дашкольнікаў аб традыцыях беларускага народа, аб тым, што магічны сэнс свята — багаты стол, падарункі, паходы ў госці адзін да аднаго, маскарад, містычны дух нараджэння новага, таямніцы ды казкі — так і  засталіся з намі па сённяшні дзень.             

Яна Чаславаўна Антухевiч, Алена Пятроўна Шапаваленка, выхавацелi ясляў-садка №12 г. Лiды   

Наверх

Принеманские вести

 © 2009-2019 Принеманские вести. Все права защищены. 
Полное или частичное использование материалов газеты и сайта допускается только с разрешения редакции.

Яндекс.Метрика

Принеманские вести. 2019

Войти на сайт через социальные сети.