Што адбывалася ў Лідзе 100 гадоў назад? Што было на месцы магазiна «Юбiлейны»?

Што адбывалася ў Лідзе 100 гадоў назад?  Што было на месцы магазiна «Юбiлейны»?
Прыблізна на тэрыторыі згаданага сучаснага гандлевага дома знаходзіліся адразу тры пабудовы – гэта дамы № 3, 5 і 7 па вуліцы Сувальскай.

А цяпер аб кожным па парадку. На Сувальскай, 3 мясціліся гарадская бібліятэка і, з другой паловы 1930-х гг. – першы гарадскі музей. Тут жа, у пакоях музея, працавала знакамітае Лідскае краязнаўчае таварыства і нейкі час рэдакцыя выдання «Лідская зямля».

Польская гарадская бібліятэка была заснавана ў 1922 г. Бібліятэку другі раз запачаткаваў бурмістр Ліды Рудольф Бергман, ён падараваў гораду сваю асабістую бібліятэку. Не менш за 25% кніг прыпадала на яўрэйскую літаратуру. У 1937 г. бібліятэка мела 7023 тамы і 1250 сталых наведвальнікаў. Гэта была адна з лепшых устаноў такога кшталту на заходнебеларускай зямлі. Сучаснікі адзначалі, што ў яе фондах былі навейшыя выданні сусветнай літаратуры, творы, адзначаныя высокімі ўзнагародамі: Нобелеўскімі і іншымі прэміямі. 

У доме 5 па вуліцы Сувальскай знаходзiўся рэстаран «Паляўнічы», якім кіраваў нейкі Бароўскі. Рэстаран вызначаўся ўзорнай кухняй, добра ўкамплектаваным буфетам, смачнымі і здаровымі абедамі і разам з тым даступнымі цэнамі. Каля яго на перакрыжаванні вуліц быў шынок, калісьці яўрэйская карчма.

Паміж дамамі № 5 і 7 па Сувальскай знаходзілася цукерня Канопкі з забаўляльнай рэкламай кручанага марожанага Пата і Паташона. У 1938 г. замест рэстарана «Паляўнічы» адчыніўся «Бар Землеўладальнікаў».

Па кнізе Л. Лаўрэша «Шпацыры па старой Лідзе»

Наверх

Logo PV

 © 2009-2022 Принеманские вести. Все права защищены. 
Полное или частичное использование материалов газеты и сайта допускается только с разрешения редакции.

Яндекс.Метрика

Принеманские вести. 2019

Войти на сайт через социальные сети.