Кніга спадабалася

У апавяданні “Штраф за фантазію” аўтар нават і прозвішча майго не змяніў. З майго дазволу, канешне.

Увогуле мяне цікавяць кнігі пра мора, бо я служыў падводнікам у Паўночным флоце. Аповесць жа “Горад пад вадой” якраз апавядае пра будаўніцтва шклянога горада  на дне Ціхага акіяна. Таму я чытаў яе з захапленнем. Мне падабаецца, як яе галоўны герой, лідчанін Мікалай Казак пераадольвае ўсе супрацьдзеянні, каб не дазволіць яму пабудаваць такі горад. І ўсё ж Казак пры падтрымцы міністра прамысловасці Расіі Зверава дамагаецца свайго – горад узводзіцца.

Аповесць, як і ў цэлым уся кніга, чытаецца лёгка. Яна выхоўвае ў падрастаючым пакаленні настойлівасць, упартасць пры дасягненні пастаўленай мэты.

Аляксей Якімчык,

егер, жыхар г. Ліды.